Dastlabki shartnomada muddat ko‘rsatilmasa nima bo‘ladi?

Dastlabki shartnomada asosiy shartnomani tuzish muddati ko‘rsatilmagan bo‘lsa, uning oqibati qanday?
*Fuqarolik kodeksining 361-moddasiga ko‘ra,* dastlabki shartnomada asosiy shartnomani tuzish muddati ko‘rsatilmagan bo‘lsa ham, bu asosiy shartnomani tuzishga to‘sqinlik qilmaydi.
Bunday holatda asosiy shartnoma dastlabki shartnoma tuzilgan kundan e’tiboran bir yil ichida tuzilishi kerak.
Agar ushbu muddat tugaguniga qadar asosiy shartnoma tuzilmasa yoki taraflardan biri uni tuzish haqidagi taklifni yubormasa, dastlabki shartnoma bo‘yicha majburiyatlar bekor bo‘ladi.
Shu bilan birga, agar taraflardan biri belgilangan muddat ichida asosiy shartnomani tuzish haqidagi taklifni yuborgan bo‘lsa, biroq asosiy shartnomani tuzish jarayoni cho‘zilib ketganligi sababli muddat o‘tib ketgan bo‘lsa, dastlabki shartnoma asosiy shartnoma tuzilgunga qadar o‘z kuchini saqlab qoladi. ⁠