Mahalliy ishlab chiqaruvchilar uchun davlat xaridlari va imtiyozlar

06.02.2026-yilgi O‘zbekiston Respublikasi Prezidentining "Mahalliy ishlab chiqarish va sanoat kooperatsiyasini yangi tizim asosida rivojlantirish bo‘yicha birinchi navbatdagi chora-tadbirlar to‘g‘risida" gi Farmoniga ko'ra tadbirkorlar uchun quyidagi imkoniyatlar kutilmoqda:

🔥 Davlat xaridlarida tayyor bozor, arzon kreditlar va bojxona imtiyozlari: Tadbirkorlar uchun yangi imkoniyatlar davri boshlandi!
Agar siz mahalliy mahsulot ishlab chiqarayotgan bo‘lsangiz yoki shunday rejangiz bo‘lsa, ushbu post aynan siz uchun.
Sizning eng katta muammongiz nima? Aylanma mablag‘ yo‘qligimi yoki mahsulotni sotishga bozor topishmi?
O‘zbekiston Respublikasi Prezidentining 2026-yil 6-fevraldagi yangi Farmoni bilan tadbirkorlar uchun aynan shu masalalarni hal qiladigan yirik tizim — Sanoat kooperatsiyasi va davlat xaridlari agentligi tashkil etildi. Bu biznesingiz uchun qanday foyda keltiradi?

1️⃣ 6% lik arzon kredit va subsidiyalar (2026-yil 1-iyuldan):
Jamg‘arma mablag‘lari hisobidan ishlab chiqarish loyihalari va aylanma mablag‘larni to‘ldirish uchun:
🔹 Xorijiy valyutada – 6% (yillik);
🔹 Milliy valyutada – 12% (yillik);
🔹 Shuningdek, xorijiy texnologiya, brend yoki tovar belgisini sotib olsangiz, xarajatingizning 30 foizigacha (1 mln dollargacha) qismi davlat tomonidan qoplab beriladi.

2️⃣ Davlat — sizning kafolatli xaridoringiz:
Davlat tenderlarida import tovarlarga nisbatan mahalliy ishlab chiqaruvchilarga maxsus narx preferensiyasi (ustunligi) beriladi.
Agar tenderda sizning narxingiz xorijiy taklifdan biroz qimmatroq bo‘lsa ham (8% dan 15% gacha farq qilsa), aynan sizning taklifingiz afzal ko‘riladi va shartnoma siz bilan tuziladi!

3️⃣ Bojxona bojidan 3 yillik to‘liq ozod qilish:
Dasturlarga kiritilgan loyihalar doirasida, respublikada o‘xshashi ishlab chiqarilmaydigan xomashyo va butlovchi buyumlarni import qilsangiz — 3 yil muddatga bojxona bojini umuman to‘lamaysiz. Bu mahsulotingiz tannarxini keskin tushirish demakdir!

4️⃣ Kafolatli xarid shartnomalari:
Agentlik tomonidan e’lon qilinadigan "o‘zlashtirish tavsiya etiladigan raqobatbardosh mahsulotlar"ni ishlab chiqarishni boshlasangiz, davlat siz bilan kafolatli xarid shartnomasini tuzadi. Sotuv muammosi bo‘lmaydi.

🚀 Buni qanday qilib o‘z biznesimga qo‘llayman?
Ushbu Dasturlarga to‘g‘ri kirish, Agentlik bilan shartnomalar tuzish, bojxona imtiyozini rasmiylashtirish va davlat tenderlarida qatnashish aniq huquqiy bilimlarni talab etadi. Xatoga yo‘l qo‘ysangiz, imtiyozdan quruq qolasiz.
#BiznesHuquqi #Tadbirkorlik #Imtiyozlar #DavlatXaridlari #DominionLegist #OliyDarajadagiYurist
👉 https://t.me/dominion_legist