MChJlar uchun yangi qonun: 2026-yilgi muhim o‘zgarishlar

⏳ MChJ rahbarlari va muassislari diqqatiga: 22-iyuldan boshlab biznes yuritish qoidalari tubdan o‘zgaradi.
2026-yilning 22-iyul sanasidan boshlab O‘zbekistonda yangi tahrirdagi "Mas’uliyati cheklangan jamiyatlar to‘g‘risida"gi Qonun (O‘RQ-1137) rasman kuchga kiradi. Ushbu sana bilan 2001-yildan buyon amalda bo‘lgan eski qonun o‘z kuchini butunlay yo‘qotadi.
Yangi qonun talablariga ko‘ra, amaldagi barcha MChJlar o‘z ustavlari va ichki hujjatlarini yangi qoidalarga moslashtirishlari shart. Aks holda, kompaniyalarning amaldagi hujjatlari qonunga zid deb topilishi va jiddiy huquqiy muammolarni keltirib chiqarishi mumkin.
Har bir tadbirkor va rahbar bilishi shart bo‘lgan eng muhim 3 ta jiddiy o‘zgarish:
1. Direktorlarning shaxsiy javobgarligi kuchayadi (44-modda)
Qonunga ilk bor "Fidutsiar majburiyatlar" tushunchasi kiritildi. Unga ko‘ra, direktor yoki kuzatuv kengashi a’zolari jamiyat manfaatlarini ko‘zlab, vijdonan va oqilona harakat qilishga majbur. Agar rahbarning mas'uliyatsizligi yoki asossiz qarori tufayli kompaniyaga zarar yetsa, ushbu zarar direktorning shaxsiy mol-mulki (subsidiar javobgarlik) hisobidan undirilishi mumkin.
2. Yirik bitimlar ustidan nazorat qat'iylashadi (50-modda)
Jamiyat mol-mulki qiymatining 25 foizidan ortiq miqdordagi har qanday shartnoma (kreditlar, kafilliklar, ko‘chmas mulk oldi-sotdisi) yirik bitim hisoblanadi. Bunday bitimlarni tuzishdan oldin Ta'sischilarning umumiy yig‘ilishi qarorini yangi qonun talablariga mos ravishda rasmiylashtirish majburiydir. Ushbu tartib buzilgan taqdirda bitim sudda haqiqiy emas deb topiladi.
3. Ulushlarni o‘tkazish va sheriklar huquqlari (21-modda)
MChJdagi ulushni boshqa shaxsga sotish yoki o‘tkazish tartibi aniqlashtirildi. Endilikda ulush uchinchi shaxsga o‘tkazilishidan oldin boshqa muassislarga 7 kun muddat ichida rasmiy yozma xabarnoma yuborilishi majburiy shart etib belgilandi. Bu qoidaga rioya qilmaslik korporativ nizolarga va bitimlarning bekor bo‘lishiga olib keladi.
Tavsiya: Yangi qonun kuchga kirishiga bir oydan kam vaqt qoldi. Kelgusida kutilmagan sud nizolari, shartnomalarning bekor bo‘lishi yoki MIB taqiqlari kabi muammolarga duch kelmaslik uchun korxonangizning amaldagi Ustavi, Ta'sis shartnomasi va direktor bilan tuzilgan mehnat kontraktini mutaxassislar yordamida qayta ko‘rib chiqishingiz va yangi qonun talablariga moslashtirishingiz tavsiya etiladi.
#MChJ #Qonunchilik #Tadbirkorlik #Ustav #BiznesHuquqi
👉 https://t.me/dominion_legist